Sulisuppit sulisinnaanermut najugaqarsinnaanermullu akuersissuteqarnissaat isumagiuk
Avataaniit sulilerniat sulisinnaanermut najugaqarsinnaanermullu akuersissuteqaqqaassapput
Sulisitsisutut eqqumaffigissavat nunanit allanit tikisitsillutit sulilersitsiniaruit, pineqartoq Danmarkimi Kalaallit Nunaannilu sulisinnaanermut najugaqarsinnaanermullu akuersissutinik naammattunik peqarnersoq.
Nunanit allanit tikilluni suliniartoq sulisinnaanermut najugaqarsinnaanermullu akuersissuteqareersimaguni, taava sulilernissaminut akuersissummik qinnuteqassaaq.
Nunani avannarlerni najugallit Kalaallit Nunaanni sulisinnaapput
Sulisinnaanermut najugaqarsinnaanermullu akuersissummik pisariaqartitsisut tassaapput sulisut kalaaliusutut isigineqarsinnaanngitsut imaluunniit Danmarkimi, Norgemi, Sverigemi, Finlandimi Islandimilu innuttaasuunngitsut.
Nunanit allaneersunut nittartagaq atorlugu Danmarkimi Kalaallit Nunaannilu najugaqarniarnut inissisimaniartunulluunniit nassuiaatit uani takusinnaavatit:
Nyidanmark.dk -imi qinnuteqarit
Sulisinnaanermut najugaqarsinnaanermullu akuersissutinik qinnuteqarnissannut piareersarit
Nyidanmark.dk-imi aaqqiissutit, atugassarititaasut, piumasaqaatit pisinnaatitaarfiillu pillugit ilitsersorneqassaatit, tassani aamma sulisinnaanermut najugaqarsinnaanermullu qinnuteqarnermi suleriuseq akiligassallu pillugit paasisaqarsinnaavutit.
- Aaqqiissut naleqquttoq nyidanmark.dk -imi nassaariuk
- Sulisinnaanermut najugaqarnissamullu akuersissutinik qinnuteqarnissamut piumasaqaatit, atugassarititaasut akiligassallu paasisaqarfigikkit
- Misissoruk sulisitsisup sulisussalluunniit qinnuteqarneq suliarissaneraa
- Misissoruk sulisitsisoq sulisussaq pillugu pisinnaatitsissummik pisariaqartitsinersoq - imaluunniit sulisussaq ilinnit uppernarsaatinik pisariaqartitsinersoq ass. sulilernissamut neqeroorut, akissarsiassat imaluunniit atorfininnissamut attuumassusillit allat
- Qinnuteqaatip aallartinnerani uppernarsaatit paasissutissallu pisariaqartut piginissaat qulakkeeruk
- Suliap ingerlannissaanut piffissaq atorneqartussatut naatsorsuussaq eqqumaffigiuk
- Eqqarsaatigiuk sulilertussap sulilipallannissaa anguniarlugu fast-trackimut aaqqiissummik siumoortumik qinnuteqarnissaq pisariaqarnersoq
