Gå til indhold

Suli.gl pillugu

Kalaallit Nunaanni sulinerup iluani malittarisassat inatsisillu qanoq ittuunersut paasiniarlugit nittartagaq innuttaasunut, ilinniartunut, suliffeqarfinnut pisortaqarfinnullu suliarineqarsimavoq. Paasissutissat pingaarnerpaat ataatsimut katersorneqarsimapput, inatsisinilu aalajangersakkat malillugit suliaqarnianut nittartagaq neqeroorutaalluni.
Ilisimasassat

Nittartagaq ingerlaavartumik nutarterneqartarpoq

Nittartagaq nutaajuvoq, ingerlaavartumillu pitsanngorsartuarparput. Ajortumik, amigaataasumik arlaannilluunniit nalaataqaruit attavigisinnaavatsigut uunga suli@nanoq.gl.

Innuttaasunut

Innuttaasutut Kalaallit Nunaanni inatsisit atuuttut malillugit pisinnaatitaaffeqarpoq periarfissaqarlunilu: 

  • Ullunut 14-inut inatsisip qulakkeerniarpaa atorfiit avataaniit inuttalinnginnerini Kalaallit Nunaanni innuttaasut atorfinnut salliunneqarnissaat. 

  • Ilinniarfissanik nassaarnissaq ujartuinissarlu periarfissaavoq.

  • Suliffeqarfiit suut ilinniartoqarsinnaanersut takuneqarsinnaavoq. 

  • Suliffissarsiornissamut sakkussat nassaarineqarsinnaapput, CV-nut immersugassat oqaloqatiginninnissamullu ilitsersuutit takuneqarsinnaapput.

 

Ilinniartunut

Nittartagaq atorlugu ilinniartut pisariinnerusumik suliffeqarfinnut appakaassinnaapput: 

  • Ilinniarfissat inuttassarsiussat takuneqarsinnaapput.

  • Suliffeqarfiit akuersissutaat smileyilu atorlugu aaqqissuinermi inissisimaffii takuneqarsinnaapput. 

 

Suliffeqarfiit pisortaqarfiillu 

Suliffeqarfiit pisortaqarfiillu inatsisit inatsisit malillugit sulinissaminnut periarfissaqarput: 

  • Ullunut 14-inut inatsimmik naammassinnilluni atorfiit allagarsiunneqarsinnaapput.

  • Avataaniit sulilersitsiniarnermut kommunimut digitamilik immersugassaq immersorneqarsinnaavoq.

  • Suliffeqarfiup profilissaanik sanallutillu nutarsaasinnaapput.

  • Ilinniartut pillugit inatsimmi piumasaqaataasut malillugit digitalimik nalunaarsuisinnaapput. 

Nittartagaq Namminersorlutik Oqartussat iluanni Sulisoqarnermut Naalakkersuisoqarfiup pigivaa ingerlataralugulu. Sulisoqarnermut nakkutilliinermullu inatsisitigut suliassat malillugit nittartagaq suliarineqarsimavoq, aningaasannanniarnerlu siunertaralugu suliaanani.