Sulisitsisoq kommunimut akuersissummik qinnuteqassaaq 

Kalaallit Nunaanni suliffeqarfiit Danmarkimit nunanioillu allaniit tikisitsillutik sulilersitsissappata, taava kommunimut akuersissummik qinnuteqaqqaartoqassaaq. Tassa imaappoq sulisut kalaallisut isigineqanngitsut atorfinitsinneqassappata.

Sulisitsisutut atorfimmut aalajangersimasumut atorfinitsitsiniarnermut atatillugu kommunimut qinnuteqartoqassaaq. Kommunimut suliffigisassamut qinnuteqartoqassaaq.

Atorfik suli.gl-imi allagarsiunneqaqqaassaaq

Nunanit allanit atorfinitsitsiniartoqartillugu kommunimit qinnuteqaat aatsaat suliarineqartarpoq, atorfik nunaqavissunit qinnuteqarfigineqaqqaarnissaanut inatsisitigut piumasaqaataasut malillugit allagarsiunneqarsimappat.

Inatsisit malillugit Kalaallit Nunaanni atorfiit kalaallinit inuttalernissaat salliunneqassasoq.

Tamanna tunngavigalugu atorfik minnerpaamik ullut 14-it suli.gl -imi allagarsiunneqarsimassaaq, taamaalioreeruit aatsaat nunanit allanit atorfinitsitsiniarnerit ingerlatilersinnaavat.