Gå til indhold
Suliffissarsiortumut ilitsersuineq

Oqaloqateqarnissamut piareersarneq

Qinnuteqarninnut atatillugu oqaloqatiginninnissamut aggersarneqaruit itinerusumik ilisaritinnissannut periarfissaqalissaatit, tassanilu aamma atorfik suliffeqarfillu pillugu apeqquteqarsinnaavutit. Quppernermi matumani sulisitsisumik oqaloqateqarnissannut siunnersuutissatsialaat takusinnaavatit.
Siunnersuut

Oqaloqatiginninnissannut piareersarit

Oqaloqatigiinneq: Tunniussassaqarputit. Illiunerit nassarlugu ornigutigit.

Oqaloqatigiinnerup suna siunertaraa?

Oqaloqatigiinneq illit sulilersinnaasutut pisortarisassavillu akornanni apersuinertut taaneqarsinnaavoq. Ilissinnut ilinniarnissarsi uani siunertaavoq, taamaalillusi nalilersorsinnaalissavarsi atorfik ilinnut naleqqunnersoq.

Taamaattumik aggernissannut imminut oqaluttuarinissat aammalu suliffeqarfik, atorfik aqutsisorlu pillugu apeqquteqarnissannut piareersarit.

Ilaatigut illerpiaq atorfimmik neqeroorfigineqassanersutit paasiniarlugu arlaleriarluni oqaloqatiginnittoqarsinnaavoq.

Sulisitsisup oqaloqatigiinneq uunga atortarpaa

Aqutsisutut atorfinitsitsisussatut pingaaruteqartorujussuuvoq sulilersinnaasoq kinaanersoq inuttullu kinaanersoq maluginiassallugu. Oqaloqatigiinnermi qinnuteqaammi CV-milu allassimasut ilumoornersut paasiniarneqartarput.

Pingaarnerpaasorlu tassaavoq sulisitsisup maluginiassammagu ilumut atorfik soqutiginerit, nassuiarsinnaanerillu sooq illerpiaq naleqquttuunersutit-

Taamaattumik oqaloqatiginninnissannut nassuiarsinnaanissaanut piareersassavatit:

  • Kinaanerit
  • Sooruna atorfik ilinnut naleqquttoq?
  • Piginnaasareriikkatit atorfimmi suut atorsinnaavigit?
  • Qanoq namminersullaqqitsigivit aammalu qanoq suleqateqallaqqitsigivit?
  • Atorfik pillugu itinerusumik paaserusutaqarpit?
Siunnersuut

Pisortap apeqqutissaaanut piareersarit

Oqaloqatiginninnermi pisortaq periarfissaqarpoq illit misilittagaqarfiginngisatit pillugit apeqquteqarnissamut. Imaluunniit suliassat piginnaasaqarfiginngisatit pillugit. Amerlasuutigut paasiniarneqartarpoq suliassanut nutaanut, suleqateqarnermut akisussaaffimmillu tigusisinnaanermut tunngasunik paasiniaanissaq. Eqqaamallugu kukkusumik eqqortumilluunniit akissuteqanngimmat.

Oqaloqatiginninnermi akissutit nalinginnaasut

Oqaloqatiginninnermi illit pisortarilersinnaasavillu akornanni ilisarisimanerulertoqartarpoq. Oqaloqatigiinnermi siammasissorujussuit tikinneqarsinnaavoq, taamaattumik apeqqutit nalinginnaasumik takkuttartut ilisimanissaat eqqarsaatigisimanissaat iluaqutaasinnaavoq:

  • Imminut oqaluttuarisinnaavit?
  • Sooruna maani sulilerusuttutit?
  • Massakkut sulerivit?
  • Suliffigisimasanni suut iluatsilluarnikuuppat?
  • Ilinnut suut ilutasippallaarnikuunngillat, qanoq ilinniutigaagit?
  • Allanik qanoq suleqateqartarpit?
  • Atorfik, suleqatigiit suliffeqarfillu pillugit paasisaqarnerorusuppit?
  • Sulinngikkaangavit susarpit?
  • Suliffigisimasatit pillugit paasisaqarnerorusukkutta pisortarinikuusat suleqatiginikuusalluunniit kina attavigisinnaavarput?
  • Qaqugu sulilersinnaavit?
  • Atorfimmit akissarsiat atugassarititaasullu qanoq igaagit?

Isumassarsiatsialaasinnaavoq illit qinnuteqartutut atorfik, suleqatigiit, suleqatigiinneq suliffeqarfilluunniit pillugu apeqqutissaqaruit.