Peqqinnissaqarfik Disko-mi juumuumik 2025-imi maajip 15-ianiit 2026-imi maajip 15-ianut erninermut a
06-02-2025
Piffissaq atuuffissaa naassaaq: 15-03-2025
Suliffissamut ID normut: LJA-85937546
Suliassaqarfik: Peqqinnissaq
Peqqinnissaqarfik Disko-mi juumuumik 2025-imi maajip 15-ianiit 2026-imi maajip 15-ianut erninermut atatillugu sulinngiffeqartumut taartaasussamik pissarsiorpugut.
Peqqinnissaqarfik Diskomi juumuutut aalajangersimasumik atorfik pigaartuuffiusanngitsoq Aasianni napparsimmavimmi inissisimaffeqarpoq. Piffissap suliffiup annersaa tunngaviusumik Aasianniippoq. Ullunik imal. sap. ak. arlalinnik sivisussusilimmik qitiusumik immikkoortumi illoqarfinnut/nunaqarfinnut angalasoqartarsinnaassaaq, misilittakkallu apeqqutaallutik Nuummi Dronning Ingridip Napparsimmavissuani ilinniartitsisoqarsinnaalluni. Nunatsinni juumuutut sulinermik misilittagaqarneq iluaqutaassaaq.
Neqeroorutigaagut:
· Ulluinnaat aaqqissuulluakkat.
· Siunersioqatigiinneq ilinniagaqassutsikkullu ineriartorneq
· Nunatsinni naartusunut peqqinnissakkut naqeroornermut peqataalerneq.
Pissarsiariniagarput:
· Ultralyd atorlugu scannerisinnaavoq imal. ilinniarnissaanut kajungerpoq.
· Naartusut naartuleqqaarneriniit Nuummut Ilulissanulluunniit erniartornissaasa tungaanut malittarinissaannut kajungerpoq.
· Peqqinnissamut tunngatillugu pitsaaliuinermik suliniuteqarnissamut soqutiginnilluinnarpoq.
· Tamatigoortumik namminersorlunilu sulinermik iluarinnippoq
· Attaveqatigiinneq nukittuffigaa, ajornanngippat illugiinnik oqaaseqarpoq.
Uagut:
· Aasianni ernisussiornermik suliaqartut angalanissanik, erninissamut piareersarnermik il.il. ataqatigiissaarisuupput
· Juumuutut sulinermi nammineersinnaasuseq aalajangeeqataasinnaanerlu annertupput.
· Ukiumut ernisut 80-it 100-illu missigisarpaat.
· Napparsimmaveerannguuvoq iluarinartoq qanimut suleqateqarnermik piginnaasavillu atituumik atornissaannik misigisaqarfissat.
· Illoqarfik Aasiaat 3000-it missaannik inoqarpoq, Peqqinnissaqarfik Disko tamakkerluni 6500-inik inoqarpoq.
· Ukiukkut sisorartoqarsinnaavoq, qimussertoqarsinnaavoq ilaatigullu immammi sikukkut angalasorqasinnaalluni, aasakkut nunami angalaartoqarsinnaavoq aalisartoqarsinnaavoq angallammillu angalaartoqarsinnaalluni.
· Sullivimmi avatangiisit suliniutigiuarpagut.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq
pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput
Sulilerfissaq: 1.5.25
Qinnuteqarfissaq kingulleq: 15.3.25
Qinnuteqartunik oqaloqateqarnerit ataavartumik ingerlanneqassapput
Attavissat
Atorfik pillugu paasissutissat Peqqinnissaqarfik Diskomi nakorsatut pisortaq Vibeke Sørensen oqarasuaatikkut: (+299) 56 07 06 imal. mailikkut: VEKS@PEQQIK.GL /imal. juumooq Vibe Nemming mailikkut: VNEM@PEQQIK.Gl attavigalugit pissarsiarineqarsinnaapput.
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.